De Nibelungen. Fidele Weltgeschicht op platt
Last updated: 17.12.19
3796300197_m.jpg
Printed: 1970 Author: Walter Arthur Kreye
Publisher: Schuster ISBN: 3796300197
Suppliers: flag15us.gif flag15uk.gif flag15de.gif flag15fr.gif flag15ca.gif    

Paperback 52 pages (1970), usually ships within 2-3 days.
Publisher's blurb:
Kinnst du de düütschen Sagen? Wat Brünhilde, Kriemhild, Siegfried un Gunter so drieven deen, wat hier ünner een ganz anner Licht bekeken. Kreye hett de Nibelungen so lang bearbeidt, bet se sik achtern wedder' nu op Platt - riemen deen. Richtig to'n Smustern is dat, wenn de scharpe Brünhilde an to snacken fangt' op Missingsch, so hoch as een vörnehmet Wiev ut de gode ole Tiet man kann. Dor blifft nich blots keen Kopp op'n Liev, dor blifft ok keen Oog dröög bi' op Kösten vun de Froonslüüd, vun de hoge Literatur, vun de düütsche Mythologie un vun den goden Gesmack. De schönen Knittelverse laat sik dorför ümso beter vörlesen:
Eens dags' villicht ok in de Nacht'
Hett Siegfried sick nich recht bedacht
Un hett sien kreimhild dat vertellt,
wo domals se Brunhilden prellt
Un anssmeert harrn. Un wo't so geiht'
Ut so'ne lüttje Saak entsteiht
Am Ennen doch'n bösen Kram;
Wi weet't ja woll, wo swor de Dam'n
Ehr spitzen Tungen tögeln könt,
Wenn se bi'nannner staht un klönt.
Na' kort un good, mal geev't Spektakel
Mang de twee Frodlüd, - groot Gekakel!'
Bet dennn oplest Brunhilden snau:
"Hool't Muul! Du weeßt ja ganz genau:
Mien Mannn is König, dat is wiß,
Bi den dien Kirl in Deensten is!"
"Hihi!"' lach Kriemhild, bleek vör Woot'
"Mien leeve brunhild, du büst good!
Man' König her un König hen'
He jharr di niemals kregen wenn
mien Kerl di nich besiegt harr' bätsch!
Dor gnabbber an, du möre Zwetsch!"
Wenn ok dat Niveau, wat den Inhalt angeiht, ünner den Buurkreem liggt, so is de Spraak doch en wunnerboret Platt, riek an Witz un Wöör. En Bultmann müss bleek warrn vör düt Wunnerwark an Entmythologisierung!
Walter A. Kreye (1911-1991) weer en Ollnbörger Schauspeler un Hörfunkredakteur. He harr dat Leit vun den Heimatfunk vun Radio Bremen. He hett as Schauspeler bi de August-Hinrichs-Bühne Ollnborg un bi de Nedderdüütsche Bühn Bremen mitspeelt. Balngenbi hett he sik as Hörspeelautor, -översetter un Schrieversmann mit Erfolg versöcht.

Mit eendüdige' nich stuvenreine - Illustratschonen vun Jörg Drühl